A Father's Letter to his Son's Teacher

A Father's Letter to his Son's Teacher

తన కుమారుణ్ణి స్కూల్లో చేర్చుతూ ఒక తండ్రి టీచర్ కి రాసిన లేఖ.

--------------------------------------------------------------------------------------------------------------------------
ఆర్యా,

" మా అబ్బాయి ఇవాళే మొదటిసారి స్కూలుకి వస్తున్నాడు.కొంతకాలం అక్కడ అంతా వాడికి వింతగానూ కొత్తగానూ ఉండబోతోంది.
అందుకే వాడితో మీరు కొంచెం సున్నితంగా ప్రవర్తిస్తారని ఆశిస్తున్నాను.
ఈ సాహసకృత్యం వాణ్ణి సప్తసముద్రాలూ దాటి వెళ్ళేందుకు సాయపడవచ్చు.
ఆ సాహసాల్లో యుద్ధాలూ, విషాదాలూ, దుఃఖాలూ వాడికి అనుభవంలోకి రావచ్చు.
అలాంటి జీవితంలో వాడికి నమ్మకం, ప్రేమ, ధైర్యం తోడుగా ఉండవలసిన అవసరం ఎంతైనా ఉంది.
అందుచేత, దయచేసి మీరు దగ్గరుండి ప్రేమతో వాడు నేర్చుకోవలసినవన్నీ నేర్పిస్తారా? వీలైతే అవన్నీ సున్నితంగా నేర్పగలరా?

:tulip:ఒక మిత్రుడుంటే ఒక శత్రువు కూడా ఉంటాడని నేర్పండి.
:tulip:అందరు మనుషులూ న్యాయంగా ఉండరనీ,
:tulip:అందరూ సత్యసంధులు కారనీ వాడికి తెలియాలి.
:tulip:ఒక దుష్టుడున్న చోట ఒక వీరుడు కూడా ఉంటాడనీ ,
:tulip:జిత్తులమారి రాజకీయ నేత ఉండే చోటే అంకితభావంతో పనిచేసే నేత కూడా ఉంటాడనీ చెప్పండి.
:tulip:అప్పనంగా దొరికిన ఒక డాలరు కన్నా సొంతంగా సంపాదించుకున్న పది సెంట్లు ఎక్కువ విలువైనవని నేర్పండి.
:tulip:స్కూల్లో మోసం చేసి పాసవటం కన్నా ఫెయిలవటం ఎక్కువ గౌరవంగా ఉంటుందని నేర్పండి.
:tulip:ఓడిపోయినప్పుడు చక్కగా దాన్ని అంగీకరించటం,
:tulip:గెలిచినప్పుడు మనస్ఫూర్తిగా ఆనందించటం,.. నేర్పండి.
:tulip:అందరితో మృదువుగా ప్రవర్తించమనీ,
:tulip:కఠినంగా ఉన్న వాళ్ళతో కఠినంగా ఉండమనీ నేర్పండి.
:tulip:అసూయకు వాణ్ణి దూరంగా ఉంచగలిగితే బావుంటుంది.
:tulip:చప్పుడు చెయ్యకుండా నవ్వటం నేర్పండి.
:tulip:వాడు విచారంగా ఉన్నప్పుడు నవ్వటం నేర్పగలిగితే నేర్పండి.
:tulip:కన్నీళ్ళు కార్చటం అవమానమేమీ కాదని నేర్పండి.
:tulip:ఓటమిలో కూడా కీర్తి ప్రతిష్ఠలు ఉండవచ్చనీ,
:tulip:గెలుపులో నిరాశ ఉండవచ్చనీ నేర్పండి.
:tulip:క్రూరులను ఎగతాళి చెయ్యటం నేర్పండి.
:tulip:పుస్తకాలు ఎంత అద్భుతంగా ఉంటాయో నేర్పండి,
:tulip:కానీ అదే సమయంలో ఆకాశంలో ఎగిరే పక్షుల గూఢమైన రహస్యాల గురించి,
:tulip:ఎండలో ఝుమ్మనే తేనెటీగల గురించి,
:tulip:పచ్చని కొండలమీద పూసే పువ్వుల గురించి కూడా చెప్పండి
:tulip:అందరూ వాడి ఆలోచనలు తప్పని అన్నప్పటికీ, వాటిని తను మట్టుకు గౌరవించటం నేర్పండి.
:tulip:అందరూ మందని అనుసరిస్తున్నా, తను అలా చెయ్యకుండా ఉండే మనోబలాన్ని మా అబ్బాయికి నేర్పండి.
:tulip:అందరు చెప్పేదీ వినమనీ,
:tulip:సత్యమనే జల్లెడతో వడబోసి మంచిని మాత్రమే గ్రహించమనీ చెప్పండి.
:tulip:కానీ తన హృదయానికీ, ఆత్మకీ వెల నిర్ణయించద్దని నేర్పించండి.
:tulip:అసహనం ప్రదర్శించే ధైర్యాన్నీ, :tulip:ధైర్యంగా ఉండేందుకు ఓర్పునీ కలిగి ఉండనివ్వండి.
:tulip:ఉదాత్తమైన ఆత్మవిశ్వాసం ఉండాలనీ,
:tulip:అప్పుడే మానవాళి మీదా ఉదాత్తమైన విశ్వాసం ఏర్పడగలదనీ నేర్పించండి.
:tulip:ఇదీ క్రమం టీచర్,..
:tulip:మీకు వీలైనంత వరకూ ప్రయత్నించండి.
వాడు మంచి పిల్లవాడు.
వాడు మా అబ్బాయి.